EKSTUM

Mushak ichiga qo‘llangandan keyin Seftriakson va Sulbaktamning plazmadagi maksimal konsentratsiyasi 15 minut va 2 soatlar orasida aniqlanadi. Seftriaksonning plazmadagi maksimal konsentratsiyasi bir martalik mushak ichiga yuborilgan 1,0 g dozadan keyin taxminan 81 mg/l ni tashkil qiladi va doza yuborilganidan keyin 2-3 soat davomida aniqlanadi, ayni paytda Sulbaktam natriyning konsentratsiyasi esa 6-24 mg/ml ni tashkil qiladi va doza yuborilganidan keyin 1 soat davomida aniqlanadi.

Tavsiya etilgan dozalarda vena ichiga qo‘llanganida Seftriakson natriy organizmning a’zolari va to‘qimalariga yaxshi tarqaladi. Bakteritsid konsentratsiyalari 24 soat davomida tutib turiladi. Seftriakson albumin bilan qaytar bog‘lanadi va konsentratsiya oshishi bilan bog‘lanishi kamayadi, masalan, plazmadagi konsentratsiyasi 100 mg/l bo‘lganida bog‘lanishi 95% dan 300 mg/l da bog‘lanishi 85% gacha kamayadi. Albuminning miqdori kamligi tufayli, erkin seftriaksonning to‘qima suyuqligidagi proporsiyasi plazmadagiga nisbatan muvofiq ravishda yuqori. Seftriakson natriyning taqsimlanish hajmi 7-12 l ni tashkil qiladi va Sulbaktamniki 18-27,6 l ni tashkil qiladi. Ikkalasi ham amniotik suyuqlikda keng taqsimlanadi. U shuningdek sutda ham aniqlanadi. Yosh va katta yoshdagi sog‘lom ko‘ngillilarda plazmaning tozalanish koeffitsiyenti minutiga 10-22 ml ni tashkil qiladi. Jigarning tozalanishi minutiga 5-12 ml tashkil qiladi.

Taxminan 75-85% Sulbaktam va 50-80% Seftriakson o‘zgarmagan holda buyrak orqali, qolgan dozasi esa, o‘t-safro bilan chiqariladi. Seftriaksonning plazmadagi o‘rtacha yarim parchalanish vaqti sog‘lom yosh, katta yoshdagi ko‘ngillilarda 8 soatni tashkil qiladi. Yangi tug‘ilgan chaqaloqlarda siydik bilan chiqarilishi dozaning taxminan 70% ni tashkil qiladi. Sakkiz kunlikdan kichik bolalarda va 75 yoshdan oshgan keksa odamlarda yarim parchalanish vaqti odatda yosh sog‘lom odamlar guruhiga nisbatan 2-3 marta yuqori bo‘ladi. Sulbaktamning plazmadagi o‘rtacha yarim parchalanish vaqti taxminan 1 soat. Gemodializ Sulbaktamning yarim parchalanish vaqtini, organizmdan umumiy chiqarilishini, taqsimlash hajmini o‘zgartiradi.

Pediatriyada o‘tkazilgan o‘rganishlar, majmuaviy shaklda yuborilganida seftriaksonning komponentlarini farmakokinetikasi ahamiyatli o‘zgarishlarga ega emasligini ko‘rsatadi.

Ekstum quruq kukunli flakon va steril in’eksiya uchun suv (SIUS) saqlovchi to‘liq o‘ramda chiqariladi. Ekstumni vena ichiga yoki mushak ichiga steril in’eksiya uchun suvda (SIUS) eritilganidan keyin yuborish mumkin. Preparatning har bir o‘ramida bor bo‘lgan ampulalarning soni va SIUS uchun qo‘llash tavsiya qilingan SIUS hajmi, quyidagi jadvalda berilgan. Sig‘imi Hajmi va SIUS ampulalari / o‘rami SIUS ishlatishga tavsiya etilgan hajmi

Garchi bizning barqarorlikni o‘rganish bo‘yicha tadqiqotlarimiz, eritmani 25°C da 24 soat davomida va 2-8°C da 3 kungacha turg‘un ekanligini ko‘rsatsada, eritma eritilganidan keyin darhol qo‘llash tavsiya qilinadi.

Kattalar

Kattalar uchun odatda sutkalik doza (Seftriakson holida) 1-2 grammni tashkil qiladi, u infeksiyaning turi va jiddiyligiga qarab, kuniga 1 marta (yoki teng bo‘lingan dozalarda kuniga ikki marta) yuboriladi. Maksimal sutkalik doza 4 gramm dan oshmasligi kerak. Buyrakning yaqqol buzilishlari (KK 15-30 ml/min) bo‘lgan bemorlarda preparatning maksimal dozasi har 12 soatda 1 g ni tashkil qiladi (sulbaktamning maksimal sutkalik dozasi – 2 g), KK minutiga 15 ml dan kam bo‘lgan bemorlarda esa, sulbaktamning maksimal dozasi har 12 soatda 500 mg ni tashkil qiladi (sulbaktamning maksimal sutkalik dozasi – 1 g).

Pediatrik patsiyentlar

Teri va teri yumshoq to‘qimalarining infeksiyalarini davolash uchun sutkalik umumiy tavsiya qilingan doza (Seftriakson holida) 50-75 mg/kg tashkil qiladi, kuniga 1 marta (yoki teng bo‘lingan dozalarda kuniga ikki marta) yuboriladi. Maksimal sutkalik doza 1 gramm dan oshmasligi kerak. O‘tkir bakterial otitni davolash uchun: mushak ichiga bir martalik 250 mg/kg doza (seftriakson holatida) tavsiya qilinadi (1 grammdan oshmasligi kerak).

Meningitdan tashqari, jiddiy aralash infeksiyalarni davolash uchun, tavsiya qilingan har kungi umumiy doza Seftriakson xolida har 12 soatda 50-75 mg/kg ni tashkil qiladi, bo‘lingan dozalarda beriladi. Maksimal sutkalik doza (Seftriakson holida) 2 gramm dan oshmasligi kerak. Meningitni davolashda boshlang‘ich terapevtik doza (Seftriakson holida) 100 mg/kg ni tashkil qiladi (4 gramm dan oshirmaslik kerak). Sutkalik doza (Seftriakson holida) 1 kunda bir marta (yoki bir xil bo‘lingan dozalarda har 12 soatda) yuborilishi mumkin. Odatda davolashning davomiyligi 7-14 kunni tashkil qiladi.

Odatda Seftriakson bilan davolashni infeksiya belgilari yo‘qolganidan keyin, hech bo‘lmaganda yana 2 kun davomida davom ettirish kerak. Odatdagi davolash 4-14 kun davom etadi. Asoratlangan infeksiyalarda davomiyroq davolash talab qilinishi mumkin. Streptokokk chaqirgan infeksiyalarni davolashda antipiogen davolash eng kamida 10 kun davom etishi kerak.

Preparat qabul qilinganida allergik reaksiyalar (eshakemi, qichishish, eozinofiliya, zardob kasalligi, ko‘p shaklli ekssudativ eritema, anafilaktik reaksiyalar, kam hollarda – anafilaktik shok) paydo bo‘lishi mumkin; stomatit, glossit, ovqat hazm qilish tizimi tomonidan esa ko‘ngil aynishi, qusish, ta’m sezishning yo‘qolishi, qorin og‘rig‘i, disbakterioz, superinfeksiya soxtamembranoz kolit. Periferik qon ko‘rsatkichlarining o‘zgarishlari: neytropeniya, limfopeniya, trombotsitopeniya, kam hollarda – gemolitik anemiya bo‘lishi mumkin, ayrim hollarda qon zardobida plazma omillarining darajasi pasayadi (II, VII, IX, X), protrombin vaqti uzayadi, burundan qon ketishi kuzatiladi, xolestatik sariqlik rivojlanadi, siydikda: kreatinin darajasi oshadi, silindrlar paydo bo‘ladi; oliguriya, anuriya, bioximik o‘zgarishlar (jigar transaminazalari faolligini va qon plazmasida bilirubinni oshishi), o‘tkir buyrak yetishmovchiligi, aritmiyalar, bosh og‘rig‘i, yuborish joyida og‘riq va infiltrat, ayrim hollarda vena ichiga yuborilganida – flebit yoki tromboflebit kuzatilishi mumkin.

Preparatning komponentlariga yoki penitsillinga ma’lum allergiyasi bo‘lgan patsiyentlarda qo‘llash mumkin emas. Shuningdek (mushak ichiga yuborishda) lidokainga. Jigar va buyrak yetishmovchiligi, anamnezdagi me’da-ichak yo‘llarining kasalliklari, ayniqsa nospetsifik yarali kolit yoki enterit, homiladorlik, laktatsiyada qo‘llash mumkin emas.

Sefalosporinlar va siklosporin bir vaqtda qo‘llanganida, oxirgisining qon plazmasidagi darajasi va toksikligi oshishi mumkin.

Aminoglikozidlar bilan majmuada qo‘llanganda sinergizm oqibatida grammanfiy mikroorganizmlarga nisbatan samaradorligi kuchayadi, ammo ularning optimal dozalarini tanlash kerak. Nosteroid yallig‘lanishga qarshi vositalar, antiagregantlar qon ketish imkoniyatini oshiradi, halqali diuretiklar va nefrotoksik preparatlar (aminoglikozidlar, polimiksin V) buyrak funksiyasini buzilishini chaqiradi. Birga qo‘llanganida diklofenak seftriaksonning o‘t-safroga chiqarilishini rag‘batlantiradi va siydikda umumiy klirensini pasaytiradi.

Atsetalozamid me’da ichidagisida seftriaksonning konsentratsiyasini oshiradi. Seftriaksonning eritmalarini aralashtirish yoki boshqa mikroblarga qarshi preparatlar bilan bir vaqtda yuborish mumkin emas. Seftriaksonni kalsiy saqlovchi eritmalar bilan aralashtirish mumkin ema

Jiddiy anafilaktik reaksiyalarda epinefrinni (adrenalanni) shoshilinch yuborish kerak. Glyukokortikoidlar vena ichiga yuboriladi va nafas yo‘llarining, jumladan intubatsiyani o‘tkazuvchanligi ta’minlanadi. O‘t-safro yo‘llarini og‘ir obstruksiyasida, og‘ir jigar kasalliklarida, shuningdek buyrak funksiyasini buzilishlarida, preparatni dozalash tartibini tuzatish talab qilinadi.

Jigar funksiyasini buzilishlari va buyrak funksiyasining yondosh buzilishlari bo‘lgan bemorlarda seftriaksonning zardobdagi konsentratsiyasini monitorlash va zarurati bo‘lganida uning dozasini tuzatish kerak. Agar bunday hollarda seftriaksonning zardobdagi konsentratsiyasini muntazam monitorlash o‘tkazilmasa, unda uning dozasi 2 g dan oshmasligi kerak. Preparat bilan uzoq muddatli davolashda (boshqa antibiotiklar kabi) sezgir bo‘lmagan mikroorganizmlarning haddan ziyod o‘sishi kuzatilishi mumkin. Davolash vaqtida bemorlarni sinchiklab kuzatish kerak.

Preparat bilan uzoq muddatli davolashda ichki a’zolar funksiyasining, jumladan, buyrak, jigar va qon yaratish tizimining ko‘rsatkichlarini, vaqti-vaqti bilan nazorat qilish tavsiya etiladi. Bu ayniqsa yangi tug‘ilgan chaqaloqlar, eng avvalo chala tug‘ilgan chaqaloqlar va kichik yoshli bolalar uchun muhimdir. Homiladorlik va laktatsiya Homiladorlik va laktatsiya davrida faqat agar ona uchun kutilayotgan foyda, homila va bola uchun potensial xavfdan yuqori bo‘lgan hollarda qo‘llanishi mumkin.

Pediatriyada qo‘llanishi Giperbilirubinemiyasi bo‘lgan yangi tug‘ilgan chaqaloqlarga, ayniqsa muddatidan oldin tug‘ilganlarga preparatni yuborish mumkin emas. Preparat bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.

Simptomlari: nojo‘ya ta’sirlarining kuchayishi.

Davolash: simptomatik, gemodializ yoki peritoneal dializ samarasiz

0,375 g; 0,75 g va 1,5 g dan in’eksion eritma tayyorlash uchun kukun;

7,5 ml;10 ml yoki 20 ml hajmli rezina tiqinli shisha flakonlarda, alyumin qopqoqcha va plastmassali qopqoq bilan yopilgan.

Quruq, yorug‘likdan ximoyalangan joyda, 25°C dan yuqori bo‘lmagan haroratda.

3 yil.

Retsept bo‘yicha.