Нимесан

Ichga qabul qilinganida so‘rilishi – yuqori. Ovqat qabul qilish so‘rilish tezligini pasaytiradi, bunda so‘rilish darajasiga ta’sir qilmaydi. Maksimal konsentratsiyasiga Cmax erishish vaqti 1,5-2,5 soatni tashkil etadi. Plazma oqsillari bilan bog‘lanishi – 95%, eritrotsitlar bilan – 2%, lipoproteinlar bilan – 1%, kislotali alfa-1-glikoproteid bilan 1% ni tashkil etadi. Preparat dozasi uni plazma oqsillari bilan bog‘lanish darajasiga ta’sir qilmaydi. Nimesulidni qon plazmasidagi maksimal konsentratsiyasiga 3,5-6,5 mg/l erishiladi. Taqsimlanish xajmi — 0,19 — 0,35 l/kg. Ayollar jinsiy a’zolari to‘qimalariga o‘tadi, u yerda bir martalik qabuldan keyin uning konsentratsiyasi plazmadagi konsentratsiyasidan taxminan 40% tashkil qiladi. Yallig‘lanish o‘chog‘ining nordon muhitiga (40%), sinovial suyuqlikka (43%) yaxshi o‘tadi. Gisto-gematik to‘siqlar orqali oson o‘tadi. Jigarda to‘qima monooksigenazalari bilan metabolizmga uchraydi. 4-gidroksinimesulid asosiy metaboliti (25%), o‘xshash farmakologik faollikka ega. Nimesulidni yarim chiqarilish vaqti 1,56 – 4,95 soatni, 4-gidroksinimesulid — 2,89-4,78 soatni tashkil qiladi. 4-gidroksinimesulid buyrak orqali (65%) va safro bilan (35%) chiqariladi. Buyrak yetishmovchiligi bo‘lgan bemorlarda (kreatinin klirensi 1,8 — 4,8 l/s yoki 30-80 ml/min), shuningdek, bolalar va keksa yoshdagi shaxslarda nimesulidning farmakokinetik profili sezilarli darajada o‘zgarmaydi.

Revmatoid artriti, osteoartroz, turli etiologiyali artritlar, artralgiyalar, mialgiyalar, operatsiyadan va jarohatdan keyingi og‘riqlar, bursit, tendinit, algodismenoreya, tish og‘rig‘i va bosh og‘rig‘ida qo‘llanadi. Preparat simptomatik davolash uchun mo‘ljallangan, og‘riq va yallig‘lanishni preparatni qo‘llash vaqtida kamaytiradi, kasallikni zo‘rayishiga ta’sir qilmaydi.

Ichga ovqatdan keyin, 50-100mg dan sutkasiga 2 marta qabul qilinadi. Surunkali jigar yetishmovchiligi bo‘lgan bemorlarda sutkalik doza 100 mg ni tashkil qiladi. Minimal mumkin bo‘lgan qisqa kurs bilan minimal samarali dozani qo‘llash lozim. 12 yoshdan oshgan bolalarga tana vazniga 1,5 mg / kg bitta dozani hisoblashda buyuriladi, preparatning maksimal dozasi kuniga 5 mg / kg (200 mg dan ortiq emas).

Preparat keksa patsiyentlarga buyurilganda dozagatuzatish kiritish talab qilinmaydi. Uzoq qo‘llanganda muntazam ravishda jigar va buyrak faoliyatini nazorat qilish kerak. Jigar transaminazalarining faolligini laborator ko‘rsatkichlarini xaftasiga kamida bir marta nazorat kilish kerak. Transport vositalari, mexanizmlarni boshqarish qobiliyatiga ta’siri Davolash davrida transport vositalarini boshqarish va diqqatni yuqori jamlash va psixomotor reaksiyalarning tezligini talab qiluvchi potensial xavfli faoliyat turlari bilan shug‘ullanishda ehtiyotkorlikka rioya qilish kerak. Homiladorlik va laktatsiya davrida preparatni qo‘llash masalasini faqat shifokor tomonidan xal qilinadi.

Simptomlari: befarqlik, uyquchanlik, ko‘ngil aynishi, qusish. Ular odatda bemorlarni qo‘llab-quvvatlovchi parvarishda qaytuvchandir. Me’da-ichakdan qon ketishlar, arterial gipertenziya, o‘tkir buyrak yetishmovchiligi, nafasni susayishi.

Davolash: bemorga simptomatik davolash va tutib turuvchi parvarish talab qilinadi. Spetsifik antidotlari yo‘q. Agar dozani oshirib yuborilishi oxirgi 4 soat ichida sodir bo‘lgansa, bemorni qustirish kerak va faollashtirilgan ko‘mirni (60-100 g kattalar uchun), osmotik surgi vositalarini qabul qilish kerak. Jadallashtirilgan diurez, shuningdek gemodializ nimesulidni qon oqsillari bilan bog‘lanish darajasi yuqori bo‘lganligi sababli, samarasiz bo‘lishi mumkin.

100 mg dan tabletkalar. 10 tabletkadan PVX/alyuminiy folgali blisterda, 2 blisterdan tibbiyotda qo‘llanilishiga doir yo‘riqnomasi bilan birga karton qutiga joylangan.

25°C dan yuqori bo‘lmagan haroratda.

Bolalar ololmaydigan joyda saqlansin.

3 yil. O‘ramida ko‘rsatilgan yaroqlilik muddati o‘tgach qo‘llanilmasin.

Retsept bo‘yicha.